| | 嘩! 有係打xanga既時間。不知不覺，又咁耐無理到個xanga喇！講番近排的生活狀況，係．．．正常的！大學的生活又剛剛開始了，不過暫時都未有番學的心情！心情仍然係想玩想訓唔想理d學校野。近來都幾充實，日日都好多野做/玩！
岩岩中秋節完左，氣氛可能有點失色啦！星期六就去左影下相同呵仔＆國威食糖水，順路去了屯門市中心的採燈節，都幾靚！如果係拍拖就至岩喇！不過唔係囉，唉！
講番星期日中秋節，感覺小小無聊咁啦！下午好乖咁陪媽媽＆婆婆飲茶，再行左陣街咁，之後番屋企訓一陣，滿懷開心以為今年中秋節一定會玩得好開心，點知，或者係自己的問題啦！咁多人叫我出去玩我都唔出，想出去蝴蝶灣玩最後都無去！最後太悶又不甘寂寞下，搵左海陪我睇戲，凌晨一點先就去搵車塔，去尖咀睇呢套「第一誡」，都恐怖啦，鬼片><食下宵夜咁又搞到6點幾，最後天光先番到屋企！累死左！
中秋節翌日先係最開心一天，雖然7點半先訓，但係無礙我今日去清水灣玩，游水、打沙灘波、玩沙！好開心！係將軍澳食完飯，又去左公園玩話事啤，勁變態！不過呢日都算幾開心，都ｏｋ多人去！不過因為訓得太小，勁累囉！仲要12點先番到宿舍呀！
講番今日，行程係中大->科學園->長沙灣->馬鞍山->中大! 上堂到2點半又要去科學園開會！講開又講，好搞笑囉，FYP無啦啦多左個人，有個大陸學生無啦啦入埋我同阿華果組，無啦啦多左個人！咁今日就去科學園開會囉！無野好講！之後又要出去長沙灣！交grantloan勁多野未搞店，首先漏左影印自己的身份證！交到去又話漏左兩份糧單！俾左佢之後又話漏左工作證明！叫我爸爸Fax過黎之後又發現未交行政費！去西九龍中心交番之後就走人！點知，走左佢又打黎話個日期錯左，聽日要再去過！頂！馬鞍山補完習，樓下又有個舊日回憶之中秋展，哈！
|
| | Posted 9/18/2008 3:55 AM - 22 Views - 2 eProps - 4 comments
- recommend
  - recs0
- share
- email
 - sent0
|
